امتحان الترم الاول لسنه اولى ضياع

مش عاوز غش والمراقبين يفتحوا عنيهم كويس!!!
واللى حاينجح حاياخد الجنسيه وفوااز يطلع له الكارنيه بتاع 2008/2009!!!!
السؤال الأول: اختار من بين الأقواس الكلام الصح:

1- البنت في مصر بتتحجب............ (علشان تدخل الجنة - علشان تدخل وتخرج براحتها - علشان تدخل دنيا وتتجوز).

2- اللي بني هرم خوفو.............(طلعت مصطفي - المقاولون العرب - إعمار - خوفو).

3- اللي بني مصر كان في الأصل......(حلاق - عرضحالجي - تاجر مخدرات - حلواني).

4- البرنامج اللي بييجي ع القناة الأولي كل يوم الساعة 7.00 صباحاً ومحدش بيتفرج.

عليه برنامج.. صباح الخير............ (يا ماما - يا بابا - يا خالو - ياريس - يا مصر).

5 - مصر هي أمي نيلها جوا...........(عبي - بطني - رجلي - جيبي - دمي).

6- رئيس مصر القادم السيد......(جمال مبارك - ابن الرئيس - أمين سياسات الحزب الوطني - السيد النجل).

7- ابو تريكة هو....(لاعب كرة - شيخ -راجل بركة -قديس).

8- يا حضرة العمدة ابنك حميدة حدفني بالـ.... (معدية - السفندية - المية المعدنية - المهلبية).

9- أشهر مغني مصري هو سعد.... (الكبير - الميديم - الصغير - القزعة)

10- تامر أمين........(شرطة - مخزن- بسيوني).

السؤال الثاني: أكمل الجمل الآتية بكلام م الآخر:

1- انتبه من فضلك السيارة ترجع إلي........................

2- ماما زمانها..................

3- من خلال تجاربك السابقة.. البامبرز استيك منه.............

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج..............

6- وهيلا هيلا، هيلا هيلا هو، الزمالك........

7- دا شاب هيهي، بيروح و......

السؤال الثالث: ضع علامة صح أو علامة غلط أمام الكلام الجاي:

1- بابا فين؟؟.. بابا هنا.. قوله مين؟؟ قوله عمو ( ).

2- الشرطة دائما في خدمة الشعب ( ).

3- أذان المغرب في رمضان بصوت «طارق نور» ( ).

4- يسرا لا تخطئ أبدًا في مسلسلاتها ( ).

5- الزمالك فريق يحرق الدم ( ).

السؤال الخامس : علل

1- مازالت كرة القدم هي اللعبة الشعبية الأولي برغم إن احنا ملناش فيها.

2- ذكاء الشعب المصري الخارق برغم اعتماده علي الفول كغذاء أساسي.

3-رئيسنا مبارك ورئيس وزرائنا نظيف ورئيس مجلس الشعب سرور ورئيس الشوري شريف ووزير الشئون القانونية مفيد وكمان شهاب ومع ذلك مصر زي ما أنت شايف.
وطبعا الامتحان ده غير قابل للغش لان الاسئله معروفة ومتجاوب عليها!!!!

اشتات

جامدة اوى

الاجمد مرورك ومنى ليك احلى بوسه

خدها واكتم وطلع من نخشيشك

امتحان الترم الاول لسنه اولى ضياع 6ef39f9a88

هههههههههههههههههههههههههههه

دى بوسه دى ولا باك يااااااااااااااض

ههههههههههههههههههههههههههههههههههههههههههههههههه

حلوة يا ميدو

هتوحشينا والله يا اجمل فراشه

بس مستنينك فى الاجازه

وشرفنى مرورك

امتحان الترم الاول لسنه اولى ضياع Flowerskd3

ليكي يا فراشه المنصورة

شكرا ليك يا ميدو بس فى خبر انى هكون معاكم لاخر الشهر

والورد حلو اوى

يوووووووووووووووه دا الواحد قال انه هيستريح وفرقت عليكي ورد

ههههههههههههههههههههههههههه

والله هتنورينا

ومتنسيش اللى اتفقنا عليه ؟؟؟؟؟