زهقان من عيشتك ؟؟

موضوع: زهقان من عيشتك ؟؟ الأحد 24 مايو 2009, 1:11 am

زهقان من عيشتك ؟؟

قرفان من ( بعض ) اللي حواليك ؟؟

نفسك لو تبقى شخص تاني ؟؟

نفسك لو كنت في بلد تاني ؟؟

نفسك لو كنت في زمن تاني ؟؟

لو الإجابة ( نعم )

طخ نفسك عيارين

ولا انت فاكرني هسفرك برة
و لا هديك لفة بآلة الزمن اللي راكنها ف الادارة

هههههههههههههههههههههههههههههههههههه

لا ياعم ماتطخش

انا بس حابب أوضحلك إنك كده تمام قوي
100 فل و 10

و إن وضعك الحالي في زمنك الحالي في ظروفك الحالية هو أحسن وضع ليك

آه و ما تستغربش

هو مين اللي خلقك في المكان ده ؟
في الزمان ده ؟
وسط الناس دي ؟
في الظروف دي ؟؟

ربنا . صح ؟؟

يبقى ربنا أعلم بيك و أعلم بما يصلحلك

و هو سبحانه و تعالى بيقول :

اقتباس:
(( ألا يعلم من خلق و هو اللطيف الخبير )) ؟؟؟

بلى و الله يعلم , و هو بخلقه لطيف خبير

و زي ما قال رسول الله صلى الله عليه و سلم :

اقتباس:
" عجبا للمؤمن،لا يقضي الله له شيئا إلا كان خيرا له "

يبقى قضاء ربنا عليك في إيجادك في الظروف دي
و الحالة دي
و المكان ده
و الزمان ده

هو عين الخير ليك

ووجودك في الزمن ده أحسن من وجودك حتى في زمن الرسول!!

مستغرب ؟؟ لا ما تستغربش

و اقرأ الكلام ده :

اقتباس:
عن جبير بن نفير قال: جلسنا إلى المقداد بن الأسود يوما ،
فمر به رجل ، فقال: طوبى لهاتين العينين اللتين رأتا رسول الله صلى الله عليه وسلم ،
والله لوددنا أنا رأينا ما رأيت ، و شهدنا ما شهدت ،

فاستُغضِب !!

فجعلت أعجب ، ما قال إلا خيرا!

ثم أقبل عليه فقال :

( ما يحمل الرجل على أن يتمنى محضراً غَيَّبهُ الله عنه ؟

لا يدرى لو شَهِدَهُ كيف يكون فيه ؟

والله لقد حضر رسول الله صلى الله عليه وسلم أقوامٌ كبهم الله على مناخرهم في جهنم؛
لم يجيبوه ولم يصدقوه !

أولا تحمدون الله عز وجل إذْ أخرجكم لا تعرفون إلا ربكم ،
فتصدقون بما جاء به نبيكم صلى الله عليه وسلم ، قد كُفيتم البلاء بغيركم )

معنى كلامه إنه بلاش تتمنى إنك تكون على عهد الرسول حتى ,
لأن إيه ضمنك إنك تكون صحابي ؟؟
ما انت ممكن تكون أبو جهل !!

و مثله أن لا تتمنى وجودك مكان فلان ابن الباشا ,
لأنك لو بقيت غني ممكن تفسد ,
و هكذا ,

إنت وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك
يعني هو عارفك و عارف احتمالك و قدرتك قد ايه

و عارف انك تقدر تستحمل الوضع اللي انت فيه ده
لأن دي طاقتك
و لو طاقتك كبيرة البلاء كبير
على قدها و مش أكبر منها

اقتباس:
قال رسول الله : " يُبتلى المرء على قدر دينه "

يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله

اقتباس:
و شوف نفس الحديث .. سبحان الله

في رواية منه " وإن كان في دينه رقة .. هُوِّن عليه "

شوف رحمة ربنا

اقتباس:
و قال تعالى : (( لا يكلف الله نفسا إلا وسعها ))

يعني طالما رينا خلقك في وضع ما
و كلفك شيئا ما
يبقى أكيد الشيء ده في وسعك
و انت تقدر تعمله

لأنه لو لم يكن في وسعك لما كلفك إياه,

و أخيرا

" من لا ينفع لوضعه لا ينفع لوضع غيره "

فى حديث قديسى برضه مضمونة
انه لو علم بنى ادم القدرلاختار الواقع
يا سبحان الله جل فى علاه
يتذكرك ويسعى لمساعدتك
تسلمى يا سحر يا عسولة

جزاكى الله خيرا يا سحر على موضوعك القيم
و جعله الله فى ميزان اعمالك