انا كنت مرة يا حضرات
قاعد بالبيت اشاهد الفلم العربى الرومانسى بتاع عبد الحليم حافظ وزبيدة ثروت
وفجأة وانا لا بيا ولا عليا
دق جرس الموبايل على انغام اغنية ربنا يحميك من العين ويخليك ليا يا محمد
فاذا بى افاجأ بصوت نسائى ناعم جدا جدا جدا
بيقول لى لو سمحت ممكن تدينى بوسة
انا طبعا صعقت وقلت لها ثانية واحدة وجريت على مخزن الادوية بالبيت
وجبت نقط للودان وحطيت نقطتين فى ودانى
وقلت لها ايوة معاكى اامرينى
قالت ممكن تدينى بوسة
يا لهوووى يا جدعان البنت بتتكلم جد
قلتلها طيب يا ستى مفيش مشاكل امنا مش فاضى دلوقتلى بس اوعدك اول ما افضى هديكى بوسة على طول
رحت قافل السكة
قامت البنت اتصلت تانى
قلت لنفسى اية البلاوى اللى بتتحدف علينا الساعة دى
المهم رديت عليها
لاقتها بتزعق وتقول انت بتقفل السكة فى وشى
انت معندكش زوق ولا اية
قلتلها انا برضة
قالت اة انتا
قلتلها طيب انتى عاوزة اية
قالت ادينى بوسة بسرعة لاحسن انا زهقت منك ومن غلاستك
قلتلها غلاستى
واية اللى جابرك
قالت حكمة ربنا
قلتلها طيب خدى يا ستى البوسة اممممممممممممممممممممممممممممممممممممممممممممممممموح
واديتها البوسة يا حضرات وعيونكم ما تشوف الا النور
وابل من القباحة وقلة الادب
وانت وانت وحاجات من هذا القبيل
فقلتلها انتى هبلة ولا اية
مش انتى قلتى عاوزة بوسة
قالت ايوة عاوزة بوسة صحبتى وهى دى نمرة تليفونها المحمول
قلتها نعم لية هى نمرته كام
قالت كذا وكذ
قلتلها اة
بس الرقم السبع غلط انتى ضربتى اتنين مش خمسة
عموما حصل خير
وابقى صحصحى بعد كدة
وبعدين خلى صحبتك تغير اسمها بقى ملقت الا الاسم دة
عموما البنت مردتش عليا الظاهر انها ماتت من الكسووووووف هههههههه
وشكرا
ميمو