في إثنين واقفين على جسر حمص :
رايحين على الشام كل مايوقفو باص يقول لهم ما في محل ،
وهيك انتظروا شي ساعتين حتى آخر شي وقف باص قالن :
في مقعد واحد إذا حابين واحد بيقعد على المقعد و الثاني بيركض وراء الباص بس ليتعب ينقر لي على الشباك .
قالولو أوكي ماشي الحال .
والله طلع واحد على الكرسي والتاني بلش يركض وراء الباص وبعد شي ساعة دقلو للسائق على الشباك ،اطلع السائق برفيقو لقاه نايم قال : ما حلوة نزعجه ، قام ضل مكفى السائق إلى الشام والثاني اللي عم يركض عم يدقدق على الشباك .
هيك حتى وصللو عل الشام .
قام فوراً نزل السائق و بلش يعتذر من اللي راكض وقلو والله بعرف أنك تعبان بس شفت رفيقك نايم و ما حلوة منّي أنو إزعجو ..
قام قلو : مو مشكلة بس أنا ما كنت عم دقلك لأني تعبان .
قلو السائق لكن من شان شو كنت عم تدقدق طول الطريق .
قلو لأنو يا غشيم كان بدي ياك تنزلني بالنبك .
ملاحظة مدينة النبك تقع بين مدينة دمشق ومدينة حمص وتبعد عن مدينة دمشق حوالي 45 كم
موضوع: نكتة من سوريا 
الخميس 02 أبريل 2009, 12:55 pm
