كلمتين وبس!!!!!!!!!

ليييييييييييييييه كدة بس

خشى انتى بمقدمه كدة

طب جاتلى فكره حلوه اوى أوى
نخلى الفيلم اللى جاى وثائقى
كل واحد يدخل يحكى فيلم لوحده عن معرفته بالنت والمنتديات وبالأخص منتدى تميز
أيه رايكو؟

ايه راييكوووووووووووو

اتفقنا
مين يبدأ؟
حد غيري

مش اناااااااااااااااااااااااااا

أوك
أبدأ أنا
أحم أحم
كان يا ما كان لما كنت شغال فى شركة شور للأنتاج الأسلامى مكنتش أعرف حاجه على النت خالص
وبعد كده روحت مع واحد صاحبى سايبر فقعدت على جهاز وعملى أيميل وكان النت يادوبك بينتشر أوى فى مصر
وبعد ما عملت الأيميل مكنتش بعمل حاجه غير انى أدخل الشات فى الياهو أو البال توك فى غرف النصارى عشان أعمل معاهم مناظرات
وكان كل يوم أحس أن ضغطى أرتفع وهيجيلى السكر بسبب الشتايم اللى بسمعها للنبى عليه الصلاة والسلام وزوجاته والصحابه وكنت بحس أن الناس دى معندهاش مخ
أتخنقت من الموضوع فأتعلمت شوية هكرز من ناس أصحابى عفاريت فيه وكنت بدخل عشان أضايقهم و أمرمط بكرامتهم الأرض و نرخم عليهم وبس
وبعد كده بطلت نت و أتجهت للبرامج وكنت مدمن برامج
ومكنش فيه برنامج معرفش أشتغل عليه حتى البرامج الأحترافيه لدرجة ان كان عندى أكتر من 15 جيجا برامج بس وكلهم أشتغلت عليهم وعملت أسطوانات برامج بأسمى شوفتها فى بعض المناطق والله بتتباع بالصدفه
وفى مره من المرات و أنا بدور على برنامج فى جوجل ظهرلى فى أحد المنتديات و أنا مكنتش بحب موضوع المنتديات ده
وقال أيه لازم أسجل عشان أشوف الرابط
فسجلت يوم 15 نوفمبر 2007 فى أول ديسمبر كنت العضو المميز على أكتر من نص مليون عضو لأن المنتدى كبير جدا ومشهور اوى وكان أسمى فيه أبوعمار75
بعد ما حملت كام برنامج دورت على قسم أسلامى لغاية ما لقيت قسم أسمه مرآة الواقع و بدأت أرد على المواضيع و اعمل مواضيع
وكان مشرفين القسم ده أبو أنس الخزاعى وتغريد
متتخيلوش فرحتى لما كنت بلاقى ردود على مواضيعى و بالأخص من المشرفين أبو أنس وتغريد
فكنت بحط فى اليوم الواحد أكتر من 10 مواضيع مره واحده لغاية ما نصحنى عضو كان بيحب يعترض على أى حاجه والعضو ده يبقى كمال اللى هو ريستورانت
قالى فى رد يا أبو عمار حاول تحط كل يوم موضوع أو أتنين بس عشان ياخدو حقهم فى الردود وكانت نصيحه مفيده جدا بشكره عليها وبنصح بيها اى حد جديد فى عالم المنتديات
و أتعرفت على ناس كتير فى المنتدى لأنى اتعلقت بيه جامد أوى أوى وكنت بقعد فيه بال15 ساعه متواصله بدون زهق
وأتعرفت فيه على رشروشه اللى كانت بداية معرفتنا خناقه
هههههههههههههههههههه
عملت موضوع وردت عليه ورديت عليها رد ضايقها شويه
ردت برخامه صالحتها أتقابلنا فى الترفيه و أتصاحبنا و الحمد لله
فى مره من المرات لقيت رشروشه غابت عن المنتدى شويه ولما سألتها على المسنجر قالت أنها عملت منتدى قولتلها أسـتئذنى الأعضاء أنى أسجل معاكو لأن كل اللى فيه كانو بنات بس لأنه منتدى متخصص فرحبو وسجلت وبعد ما سجلت لقيت نفسى مراقب عام عليه مره واحده
والمنتدى ده بعتبرو منتدايا التانى لأننا تعبنا فيه جدا أنا ورشروشه
المهم فى يوم من الأيام قولتلها أنا عامل منتدى بقالى كام شهر بس ضومين و أستايل بس
معملتش فيه أى حاجه ومطنشه من شهور
بصراحه شجعتنى أننا نعمل المنتدى ده وساعدتنى فيه لغاية ما أتعمل منتدى تميز اللى أحنا فيه ده
علشان كده أنا مقدرش أتنازل عن رشروشه فى المنتدى ده مع أنها مش بتدخل لظروف أنشغالها لأنها فعلا السبب الرئيسى فى أنشاء منتدى تميز اللى جمع أحلى صحبه بعد كده
وكل ما حد من أصحابى يعمل منتدى يطلب منى أسجل و بفضل أنى أبقى عضو بس
لكن دلوقتى مش بدخل غير تميز ومنتدى رشروشه اللى هو ملائكة الرحمه وده أعلان مجانى لأن المنتدى ده منتدى صديق ويعتبر عامل تؤمه مع تميز
وسجلت عند ماركو اللى هو لورد بس بدخل قليل لظروف أنشغالى بس بدخله برضو
والمنتدى القديم بتاع أبو عمار75 مش بدخله خالص غير أنى أبص بس على المواضيع وحتى مش برد لأن نفسى قفلت منه لكثرة مشاكل الأعضاء فيه
ولأنى أتظلمت جدا جدا فيه لأسباب لا أحب ذكرها هنا
ودى حكايتى مع الزمان
قصدى حكايتى مع النت والمنتديات
اللى بعدى يحكى بقى

انا بقى مكنتش اعرف اى حاجة عن النت يمكن لغاية السنة اللى فاتت
كان اخوى هو اللى بيعرف علشان بيدخل سايبر كتير وده كان منطقه ممنوعة
بلنسبه للبنات قبل ما ينتشر النت داخل البيوت وده لغايه لمادخلنا النت السنة الى فاتت البيت كنت بتفرج على اخوى واللى بيعمله لغايه ما عملت كام اميل وانساه لغايه وما وصلت الى اميلى الحالى على اسم كليتى وكنت بكلم ساره اللى هى حورس من عليه وبعدين اتعلمت الشات بس مش بسجل اى حد عندى غيرى البنات اللى اعرفهم وبعدين قاعدنا فاصلين النت لمدة كام شهر وبعدين اخوى جاب خط من الشركة وسجلت على منتدى الملائكة الرحمه
بس مدخلتش كتير عليه الا بعد الامتحانات وكنت بلعب اناوابو عمار فى قسم الترفيه لوحدنا احيانا كتير وكان اعلان منتداه فى مكان مميز وبارز فى المنتدى فدخلت فيه وفرحت اوى بالتفاعل الناس اللى فيه خاصة فى الترفيه
فحييته عليه وفقالى سجلى واسماء اللى هى asho كمان قالت سجلى
كده بقى انا بقيت معاكم هنا مش بدخل اى موقع تانى غير ملائكة الرحمه وتمييز بس [center]

بصو بقا
انا اتعلمت النت دة من ايام ثانوى لما بنخلص الدرس وكدة نعد بتاع ساعه
بس فى الاول كنت بعد ع الكمبيوتر بس لسه مرحله النت دى مكنتش جت
والسنه اللى بعديها بقا اتطورنا وبقينا نخش ع النت واول حاجه طبعا الشات بتاع الياهو
ومكنتش بخش الروم العربى لان كان كلو اشتغااااااالات فكنت بخش ع الروم الاجنبى فئط
واعدت فترة كبيرة مع الناس الاجانب دول وطلع منهم ممصالح جامدة مووووووووووووز
بس اتخانقت مع ناس اجانب كدة وبوظولى المي بتاعى 24ساعه فتعلمت الهكر بردو زى ابو عمار
وكنت فعصابه انا وصحابى وكنا بندمر مواقع معينه واتعلمت بردو هكرالميل وكت بظبط صحابى وباخد الباسورد بتعتهم وبمسح ميلات البنات اللى عندهم
وبعد كدة بقا بعدت فترة كدة عنو بس صغيرة يعنى كت بتابع من بعيد لبعيد ايه اخر الاخبار وكدة يعنى
ورجعتلو تانى من فترة كدة وبقيت مدمن نت وبعد كدة لقيت اختى بتخش على المنتدى دة كل شويه كل شويه
قلت دة اكيد فى حاجه حلوة عشان كل شويه تعد عليه كدة فدخلت ولقتكو انتو اللى حلوين
بس كدة

وتوته توته خولوصت الحتوته

نبدأ بقي حكايه جديده ولا نستني شويه؟

لا فين انتى بقى

ينهار ابيض ع النصب

احكى يا سوسووووووووووووو2

لالالالالالالالالالالالالالالالا
لازم تحكى يا سمسمه
بلاش نصب
عاوزيييييييين سمســـــــــــــــــــمه
عاوزيييييييين سمســـــــــــــــــــمه
عاوزيييييييين سمســـــــــــــــــــمه

عاوزين
ســـــــــــــــــــــــــــــــو ســـــــــــــــــــــــــــــــــــــــــــــــــــــو

مفيش حكايه
عادي يعني
بابا دخل النت لما دخلت الجامعه
والسنه اللي فاتت واحنا في الكليه رشا قالت لي علي المنتدي بتاعنا
وكان فيه كتير اصحابي اعضاء في المنتدي قاعدين
دخلت وسجلت
ولما جات الامتحانات محدش كان بيدخل الا انا وابو عمار
وبعد الامتحانات محدش دخل مش عارفه ليه

والمنتدي هنا ابو عمار قالي وشفت الاعلان وسجلت ....بس

ادخلوا ناموا بقي
الحدوته خلصت

ههههههههههههههههههههههههههه
بس انا كنت بدخل بعد الامتحانات وابو عمار يشهد

أنا أشهد أنك ماكنتش بتخشى ألى 3 ساعات بس وده مش كفايه

ارغى يا عم تيتوووووووووووووووووو

بس كده يا سمسمه
ده انتى غلبانه خااااااااااالص
ومون كانت بتدخل فعلا
أحكى يا تيتو و أطربنا يالا

مون وسمر مدخلوش الا لما قلتلهم

لسه تيتو وماستريو ونيستا وسمسم وبوه وميرا

بقى كده

أنا أهو يا بشر

أنا بقى بدأت حكايتى مع النت لما كنت فى سنه أولى أعدادى كنت بروح ألعب بلايستيشن

و فى يوم من الأيام جه واحد صاحبى ربنا يسامحو بقى قالى ماتيجى ندخل سايبر قولتله

أنا معرفش حاجه عن النت قاللى أنا هعلمك فدخلنا سايبر فى مكان فى أحمد سعيد أسمه أيزى

نت كانت الساعه ب 75 قرش قولت مش مشكله يعنى لما أدخل كل يوم بعد المدرسه أقعد ساعه

فعملت أيميل كنت بفتحه لحد السنه اللى فاتت المهم كنت بروح كل يوم بأنتظام لحد سنه 2أعدادى

فتطور معايا الموضوع وبقيت بزوغ من المدرسه أيام الأحد وبقضى اليوم فى النت ده ماهو الوحيد

اللى كنت أعرفه و كانت السرعه بطيئه أوى و فى الترم الأول جبت مجموع عالى زى كل سنه

فقلت مش هتفرق لو كتيت كل يوم و أبقى أذاكر فى البيت لحد ما بقى الموضوع عادى خالص معايا

المهم طبعا و ده المنتظر جبت مجموع زى الزفت لا داعى لزكره المهم ولا همنى الموضوع بقى موضوع أدمان بس الوضع أتغير فى سنه 3 أعدادى أتعرفت على أكثر من سايبر و كلهم الساعه كانت بـ 1.50 جنيه بس كانت السرعه عاليه الموضوع كله كان موضوع شات و بنات أتعرف

على معظمهم يكونوا من القاهره و كنت بقابلهم و بضيع كل فلوسى معاهم و طبعا أبويا عرف أنى

كنت بكت من المدرسه بسبب الجوابات الله يقطعها بس فجاب لى النت فى البيت وطبعا المفروض كده أحسن بس أنا كنت حمار بسيب الجهاز فى البيت وبروح النت وبرجع برضوه البت على النت

بس فجه واحد أبن حلال نصحنى أنى أنفض لحوار النت و أخلينى تبع البيت مش عارف أيه اللى خلانى أعمل بنصيحته المهم سمعت كلام خالد صاحبى وبقت حياتى كلها شات و سيلك رود أون لاين فقابلت أبو عمار فى يوم و قاللى على المنتدى قولت أجرب مش هخسر دخلت المنتدى لقيت

ناس زى العسل اللى هو أنتوا و نفضت لــسيلك رود و بقى المنتدى ده كل حياتى و طبعا النادى و لعب الكوره عمرى منساهم

توته توته خلصت الحدوته حلوه ولا كحروته؟؟؟؟؟

كحروته

لاحلوة ملكش دعوة بيه يا بليه

حلوه يا ماستريو
و النصيحه اللى دايما بقولها للشباب
أشغل نفسك فى المنتديات على النت و مش أى منتدى
هتلاقى نفسك بعدت عن مساوىء النت و طبعا فاهمين قصدى أيه

الناس دى مش هتعمل حكاوى على فكرة

عاوزين نكمل اى حاجه
ولما ييجو بقا

ولا ايـــــــــــــــــــــــــــــــــــــــــــــــــــــــــــــه

» مليون مرحب بأستاذنا الغالى ويس عنخ