تيتو عضو مدمن المنتدى
عدد الرسائل : 3439 العمر : 29 العمل/الترفيه : انتر نت المزاج : رايق جدا نقاط : 1226 تاريخ التسجيل : 29/05/2008
| موضوع: يحيا العزيز بعزته شامخ الراس الإثنين 26 يناير 2009, 7:04 pm | |
| يحيا العزيز بعزته شامخ الراس والا الذليل يموت في عز ذله
ومن عاش شاف في دنيته كل الأجناس من كل جنس وكل مذهب ومله
ومن عاند الدنيا توريه الاتعاس يلقى القهر ويموت في وسط غله
راع الوفا ممشاه مع خيرة الناس وراع الردا راع الردا صاحب له
ومال الردي في مجلس العز مجلاس اصلا ولا حتى يجيه ويصله
بعض الرجال اغلى من كنوز الالماس سيف ليا جات اللوازم تسله
له فزعة تظهر ليا صرت محتاس ودرب الوفا ما كل رجل يدله
وبعض العرب من تحت الاقدام ينداس وبعض العرب من فوق راسك محله
وبعض العرب صداقته دوم نوماس وبعض العرب صداقته لك مذله
وبعض العرب لا مات تجزع له الناس وبعض العرب لو مات محدن فطن له
لا باس يا قلب يبي المجد لا باس ما دام فعل الطيب فينا جبله
ما عاد في الدنيا مسرات واوناس علة تقفي عنك وتجيك عله
ما كل كيف يسبب لراسك عماس والكيف ما تلقاه في كل دله
اعوذ بالرحمن من كل وسواس ومن كل حاسد شال في القلب غله
اخذت لي في شبة العمر مرواس وجربت في الاصحاب من كل شله
ولقيت من ممشى الرديين الافلاس ولا كل رجال يناسبك دله
لي فالملا نظره ومبدأ ومقياس ولا اقول اخذت العرف والعلم كله
لكن لي قدوه عزيزه ونبراس والجيد اصله للمكارم يتله
والبيت يبقى ما دام مبني على ساس وان كان ماله ساس ما دام ظله
والادمي عمره محدد بالانفاس رحال في دنياه والقبر حله
| |
|