يلا نعاكس !!!!!!

السلام عليكم
عاوزين نتكلم عن حاجة بتضايق اى بنت ولو اى ولد شاف اختو فيها يعمل مشكلة
طبعا عرفتو هى ايه
المعاكسة طبعا
انت لو ماشى وقبلتك بنت حلوة وجميلة اول حاجة تعملها انك هتبص
طيب واديك بصيت عاوز تخليها تبصلك هتعمل ايه
طبعا هتصفر
منفعتش
تقوم تغنى
بردو منفعتش
طيب تقول كلام حلو
بردو منفعش
لسانك هيطول
بردو هى ولا معبراك
فى ناس بتخلى عندها دم وتمشى بئة
وفى ناس الدم عندهم مفيش خالص
بيقلو ادبهم وطبعا انتو فهمين
طيب هسالك سؤال
انت هتستفيد ايه لما هى تبصلك؟
طب لو هى بصتلك (ده سبب معاكستك ليها طبعا)وبصتلك نظرة احتقار
انت هتكون مبسوط ؟
طب لو لقيت والدها ولا اخوها وانت بتعاكسها بيديك بالالم ولا بالبوكس
يبقى انت كدة اثبت لاصحابك ولا للبنت انك راجل بعد ما اضربت؟
ننقل بئة لنقطة تانية
انت بتعاكس البنت وفجاة هى بصتلك طلعت اختك يا ترى هتضحك ولا تقول ايه؟
تخيل لو اللى فضلت تعاكسها دى طلعت اخت صحبك وفجاة لقيتو فى وشك؟
نقطة كمان
انت واختك ماشيين وانت التلها انا هروح السوبر ماركت ده اشترى طلب استنينى
حلو كدة
رحت انت السوبر ماركت وانت راجع لقيت اختك بتتعاكس
واحد صفر
والتانى قال كلمة حلوة
والتالت هيبدأ يشتم
يا ترى هتكون مبسوط وتقول منا بعمل كدة
وفى الوقت ده اعذرونى مش هتكون راجل
ولا هتروح وتتخانق وممكن تضرب وتتبهدل
ولا تاخد اختك وتكملو وطبعا انتو الاتنين دمكم محروق
اقولك بقة حاجة
كما تدين تدان
يعنى ملوش لازمة تقلل من رجولتك واحترامك وتعاكس
يعنى ملوش لازمة تخلى اختك تنضر بسببك
يعنى انت عاكست فلانة ممكن يكون فى نفس الوقت اختك بتتعاكس وتتشتم من فلان
من الاخر حط تلات حاجات فى دماغك
1-انت راجل بفعلك وبشخصيتك واحترامك
2-اى بنت ادامك دى اختك مش وحدة مرمية مستنية اللى يعاكس
3-كما تديــــــــــــــن تداااااااااااااااااااااااااااااااااااااان
ــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــ
كمان بئة البنات مش هيطلعو ملايكة
طبعا انتى بطريقة مشيك فى الشارع هتخلى الولد يعرف اذا كنتى عوزة تتعاكسى ولا لا
كل حاجة فيكى بتوضحك
يعنى
لبسك
مشيتك
صوتك
ضحكتك
صاحبتك
الوقت اللى انتى خارجة فيه
كل ده بيدى فرصة لاى ولد انو يعاكس
وانتى طبعا رافضة ده
يبقى انتى مشيك مش هتفضلى نص ساعة تتمشى فى متر
ولا طبعا اتقالت نكتة تفضلى تضحكى والضحكة ترن
واكيد لبسك يكون محترم مش الوان مرشوشة ويتقال عليها بدى
وطبعا لو انتى محجبة تلبسى كل اللى تحبيه بس فى اصول يعنى مش هتخرجى ببدى على الكمر وبنطلون داخل بالعافية وتقولى موضة
ولا تتحججى وتقولى ده اللى موجود فى بدل البنطلون مية
وبدل البدى ميت بلوزة
ويمكن احلى كمان
وطبعا مش هتكونى محترمة وصحبتك معاكى ماشية بلبانة وصوتها يصحى اللى نايم وبتاخد النص متر فى ساعة
اكيد ممكن يحكموا عليكى انك مش كويسة زى صحبتك
وحطى فى دماغك ان (المرء على دين خليله فلينظر احدكم من يخالل)
انا كدة خلصت
يمكن ناس تزعل منى او ميهمهاش الموضوع
بس انا شايفاه مهم
وحبيت اتكلم فيه حتى لو حبة صغنين
ويا ريت كل واحد فينا يراجع نفسو ويصحح الغلط اللى بيعملو
واكيد هنرجع تانى ملوك زمنا واباطرة عصرنا
ولهنا اقول
سلام عليكم
ويا رب ما اكونش تقلت عليكم.

الله عليكى يا فراشه
موضوع فى غاية الروعه يا روعه
ولو كل شاب فكر بالطريقه دى مش هيعاكس أبدا فى حياته
جزاكى الله خيرا على الموضوع القيم يا فراشه
لك كل الود
والسلام ختام

شكرا ليك انت يا ابو عمار

المهم محدش يشوف ويقول كلام عيال

بجد موضوع رائع و مهم جدا

و كويس انك طرحتى الموضوع ده

يا فراشة مشكورة يا قمر على الموضوع الجامد ده

شكرا يا جميل على الموضوع ده
امال فين راى الشباب اللى هنا

انتو اللى شكرا اوووووووووى

شرفتونى بمروركم الجميل
ويا ريت فعلا اشوف راى الشباب

حلو موضوعك اوى يا فراشه

تسلمى يا جميل عليه

وياريت كل شاب يفهم الكلام ده
وكل بنت متستفزش الشباب بلبسها لان ده عليه عامل اساسى

يا ريت بجد يا ميرا

لان انا بشوف بنات ممكن بالحجاب وبيكون المسيحيات ارحم منهم
على الاقل بيتقال انها مش مسلمة
او مش محجبة

يابنى انتى مفكره الولد هيروح لوحده محترمه ويعاكسها

؟؟؟؟؟؟؟؟؟؟؟؟

هيا اول ما تبصله بصه وحشه او متعبروش بيمشى على طووووووووول

لكن البنات الى الى بتلبس بدى نص كوم ولا بنطلون ولا بتسيب شعرها

ولا اشوف فى راس البر بنات منقبات والله لابسه بضى ومنطلون

دى متخليش الواحد يتجن

احنا فى مرحله متعبه بالنسبالنا لازم نغلط

بس لو البنت مؤدبه غلطنا هيكون خفيف

انا بقول كله ده
بس والله ممشيت مع واحده لحد الوقتى

تصدقى

كلم كتيييييييييير

بس نتقابل لالالالالالالالالالالالالالالالالالا

اهم حاجه عندى سمعتى

بجد والله

وده من راى

رايك صح

بس بجد المنقبات بلاسدالات ومحترمات وبيتعاكسو
ويمكن حاجات تانية
يعنى دى مش باين منها اى حاجة حتى لو بصتلو هو مش هيشوف عينها
بتتعاكس ليه بئة
وبعدين انك تمشى مع بنت انتو الاتنين بمزاجكم
بس احييك انك حافظت على سمعتك

بس بس بس بس

انتوا عاملين البنات ملايكه ليه

يا بنتى انتى لسه صغيره بكره لما تروحى الكليه هتشوفى اشكال وانواع من البنات

يمكن علشان انتى لسه فى المدرسه شايفه انه غلابه

صدقيني انا اعرف بنات تحرج الصبيان وتخليهم هما اللى مكسوفين

وزى ما في ولاد كده فى بنات كده وفي منهم كمان بيعاكس

ولا ايه رايكم يا شباب

على فكرة انا نص التوبيك الت ان البنات مش ملايكة

واتكلمت على لبسهم
وبعدين انا شفت بنات مش كويسة
منهم اللى ممكن تجرى ورا ولد وفى الاخر تقولو رقم موبيلك يا حضرة
وبعدين انا بتكلم عن جزء فى الولد
هل فعلا الولد بيعاكس لمجرد انها تبصلو؟
واتكلمت على جزء فى البنت هل البنت بتتعاكس لمجرد لبسها؟
دى عبارة عن نقطة فى بحر كبييييييير

انا معاك يا ميدو بس صوابع ايدك مش زى بعضها
مش كل البنات ومش كل الشباب
وشكرا يا فراشه على موضوعك لانه فعلا مهم جدا